時代冰室 (環球工商大廈) (已結業)

今日放lunch同事提议去食时代冰室，我平时好少去食，因为每次lunch人都好多。既然有同事自愿先去拎位，我当然举脚赞成。同事早到左10分钟拎位，点知去到依然要等，同事建议转做外卖可以拎返公司食。我见到有口水鸡即时叫咗，因为我系口水鸡嘅fans不过喺公司附近食咗几间，都觉得唔太啱心水。拎返公司一打开闻到阵味都几香觉得应该冇伏。食第一旧鸡觉得个汁几麻几香。相当唔错而且你睇得出佢落足料有辣椒花椒等等俾你见到。但啲鸡就唔算滑。不过食口水鸡重点都系果汁我个人觉得几辣可能唔食得辣嘅人就要同店家讲少啲辣汁。个油饭就普通到不能再普通。如果揾啲汁去捞饭都几好食。少有地我可以食晒成个饭。依个饭外卖自取都只系需要$50多蚊有嘢饮。我觉得系依区算好好食， 至少要排队黎讲， 我觉得抵过对面间大渣x。至少唔系俾啲头头尾尾你。所以如果九龙湾区嘅朋友想食口水鸡我会建议黎呢一间食