九丁目日本料理

营业中

休息中

星期五放工想食好啲，同老公入元朗食日本野，呢间九丁目日本料理装修几有心思，门口放左棵樱花树灯，特别耀眼夺目。餐牌有不少选择，有寿司丶刺身丶手卷丶烧物丶料理丶天妇罗等等。岩石烧牛小排，放在热石上烧，即烧即食，入口肉味浓郁🤤份量唔少，非常抵食👍🏻风味芝士玉子烧，芝士份量唔少，配上紫菜碎，加埋沙律酱，好好味😋 我老公超钟意😆什锦天妇罗，入口松化，份量也不少。北海三味寿司(海胆丶三文鱼籽丶吞拿鱼腩蓉)三款都唔错，海胆新鲜，食落无腥味。七味炸鸡软骨超抵食，只系$20份量好多，上枱即食热辣辣好香口😋最后叫左份黑毛猪豚肉串，一客已经有两串又系抵食之选，豚肉够薄食落唔会韧，加小小黑椒调味已经好好食。我们两个食左好多野埋单连加一唔洗$500，价钱非常亲民嘅一间日本料理，食物选择又多，下次再试其他款式。