紅橋 (已結業)

餐厅主打亲民西餐，提供多款dinner set俾客人拣。环境大而且座位阔落，坐得舒服自在。晚市7点半左右，已经爆场。客人可以利用QR code落单，慢慢拣。叫左香煎鹅肝·蟹肉伴黑啤酒忌廉汁烩意大利饭($118)，黑松露忌廉汁海虾带子烩意粉($76)，芝麻虾多士。套餐包括中汤或西汤，忌廉汤幼滑，蘑菇片香甜，味道浓郁。而中汤合掌瓜消暑祛湿，适合夏天时候饮，好贴心。主菜前食个小沙律，青瓜爽脆，加入蟹子后增加口感。鹅肝煎到闪令令好香，厚身而且大块，一d都唔吝啬。"毕"起一羹个阵，热煮令酒精挥发，留下好大阵麦味，混合意大利饭食，味道更突出。蟹肉已经拆左出黎，肉甜充满海水鲜味，而且份量亦多。烩饭加入露荀，爽嫩。另一款主菜亦非常出色，好值得赞既系，用料多而且味道一流，就咁睇，珍珠带子及海虾数量不少。海虾大只鲜美，而带子煎到表面脆身内嫩。意粉软硬适中，黑松露味道超浓烈，食到底，有好多松露汁，所以要拌匀食。而且温度keep得好，食到底，都仍然有热气冒出，暖烘烘。跟餐可以加配小食，芝麻炒香后脆口，虾滑铺系多士面，配搭炼奶，估唔到又几夹，甜甜地完全唔会觉得奇怪。跟餐又可以加钱转红豆冰，餐厅特登用个碗装，变到