高麗韓國餐廳 (已結業)

黎到北角想食韩烧，就试下呢间开左好耐既韩国餐厅。地点都唔算易揾，入到去好有旧式韩国风味，好香烧肉味!2个人叫左4人餐，因为有6款肉拣，拣左青口，羊肉，鸡肉，牛肋骨，猪腩肉，鱼，每位跟1碟芝麻油盐酱，韩式甜酱油，有6款前菜小食，跟4个饭4个汤，可以后上或免上。韩国真露烧酒，配烧肉最正，但因为有汤，1个人饮唔哂1樽。6款前菜小食，全部冻盘，韩国泡菜唔错唔太辣，甜酱薯仔好软熟香甜，甜鱼仔干好味，芽菜好香芝麻油香味。上羊肉时，服务员讲左系牛，然后食落都似牛，服务员话因为用左韩式酱所以冇左羊so味，青口几鲜甜好味，鸡肉烧出黎好多汁嫩滑，羊肉真系冇乜so味，不过好多肉碎，鱼好香滑多汁，有机会再黎试下其他菜式。