亞金南洋茶室 (置富都會)

营业中

休息中

基本上返工既话朝早都会经红磡再转shuttle，有时早左就会系火车站附近食埋早餐～但呢头早餐选择唔多，前排见置富都会里面新开左间亚金，今日就去左试下～早餐款式选择都ＯＫ，有粥有面，面有好几款汤底（虽然比起其他分店既早餐呢度无比较有南洋特色既斑兰餐包同香茅鸡扒拣😅）今次就叫左个蕃茄汤通粉配鲜油咖央多士，热斋啡～（自助落单后店员同我讲今日无通粉，叫我转其他。。。一间茶餐厅神早流流８点钟都无通粉呢样咁基本既野，我真系O咀。。。🤦‍♀️）上菜速度都几快👍蕃茄汤底好浓郁，有好多蕃茄粒，真材实料👍 不过味道略嫌酸左D米粉爽口～鲜油咖央多士即叫即整，黎到果阵几脆，咖央搽得几平均，牛油有一定厚度，唔错👍因为唔饮得奶所以叫斋啡，唔会太酸亦唔会太涩，正常茶记水准～呢度早餐既份量几足，一定够饱～唔知系咪新开张，店员服务都几好同好好礼貌👍👍对比起同一商场连锁茶记敏X同火车站间美X，个人认为呢间性价比相对高少少，可以一试～