芽莊越式料理

营业中

休息中

之前有朋友推荐过呢间芽庄越式料理，今次就一于去试下😙餐牌选择有好多，前菜、米纸卷、小食、汤粉、捞檬、咖喱、甜品乜都有，不过价钱就偏贵。因为佢价钱偏贵，所以我对佢既期待都高啲，但系食完之后就觉得比较普通，冇乜惊喜。唔系话佢唔好食，佢系好食既，不过个人觉得未值得呢个价，加埋一要九十几蚊一碗粉，又唔系好食过出面果啲好多😕1⃣️西贡牙车快（$98） 有手撕鸡、椰菜丝、花生、萝卜丝、洋葱，个底用左块好大块既米饼盛住啲沙律🤩食落好清爽，椰菜丝同手撕鸡份量都好多，加埋鱼露酸酸甜甜既味道，好开胃！米饼够脆，同啲沙律一齐食又系另一番滋味🤤成餐我最钟意就系佢呢个沙律🥗份量又够而且整得几好食！  2⃣️芝麻虾多士（$88）呢个虾多士都好好食！个底既多士搽上牛油烘香，呈金黄色😍面头洒满芝麻粒，食落虾肉好厚！再有配埋千岛酱可以点黎食。呢个虾多士算系我食过数一数二好食既！  3⃣️西贡咖喱牛腩（$128）(白饭+$18）牛腩大大块，够厚又啖啖肉👍不过咖喱偏稀身，而且唔算好香，食落普通。不过啲肉系几大旧几好食既。  4⃣️顺化牛肉檬（$90）辣辣地，不过汤底冇乜牛骨香。配料有牛展、熏蹄、扎肉，味道系唔错既但系略显汤底唔够香甜。