Cobo House (已結業)

返母校攞完野，落地铁站之前发现附近有呢间成个玻璃屋咁样嘅餐厅。出嚟做嘢，时不时都要对自己好啲，先至挨到落去。今次出咗粮，就决定请自己食个贵啲嘅lunch啦。1点去到发现室内室外都几full㖞，原来依家西环啲人都几富贵哈哈。我见餐牌都有健康嘅选择，我就拣咗沙律配鸡肉同埋牛肉啦。点知落左单之后一路等咗半个钟先上菜，大佬我赶住返公司做嘢架。最尾食咗10分钟左右就急急脚搭地铁返公司，都冇好好咁叹个环境。下次一定要叫埋朋友嚟一齐坐一个下昼倾吓计先。