海南小廚 (已搬遷) 新店位置

1️⃣酸菜鱼(生鱼) $98份量都几多，两个人都够晒饱。生鱼片味道正常但唔算嫩滑，胜在少骨可以啖啖肉；配料有酸菜、酸萝卜同薯粉；整体味道正正常常，仲可以自己拣辣度。2️⃣酸菜炒猪肠 $50 份量多到要带返屋企，唯独是酸菜炒唔够惹味，所以仲食到啲啲猪肠味，下次会选择嗌啲辣嘅炒猪肠。3️⃣麻婆豆腐 $38 又一个份量多到要带返屋企⋯够晒麻又够晒辣，呢个价钱咁大碗，𩠌饭真系一流。✴️整体而言，全部食物都好大份，几乎碟碟都要带返屋企😂呢个价位嚟讲冇咩好挑剔啦，都几啱一大班人嚟食，因为餐牌好多选择，食物又大大碟，多人就可以每样都试下。