波士冰室

营业中

休息中

朝早送左阿女去上兴趣班，有啲空档时间，就同老婆谂住兜下周围有冇早餐食。行两步，转过角，就见到呢间波士餐厅，于是就入去试吓。佢铺面唔算大，不过望落又几洁净。我拣咗个卡位坐低之后，就落单啦。我就叫咗个吉列鱼柳餐，饮冻啡；老婆就叫咗沙嗲牛面餐，饮冻利宾纳。落咗单冇耐，嘢食嘢饮就上枱啦。我吉列鱼柳都炸得唔错，外脆肉嫩，炒蛋又唔会炒得太老，配埋樱花虾都几特别。另外，丹麦多士都唔错，甜甜地几好味。至于个沙嗲牛面，老婆话都几唔错，水准以上。最紧要佢价钱合理，睇来以后送亚女上堂之后，都可以过嚟食个早餐先。