華豐燒臘

营业中

休息中

今日下午要到中环工作，喺中环想揾啲简简单单嘅嘢食，都唔系冇㗎，其实好多横街小巷，都有好多特色嘅美食，价钱都好大众化，其中一间呢就喺中央街市旁边嘅呢一间烧腊，我记得上次嚟食晏嘅时候，食咗一个叉烧烧鸭饭，皮脆肉滑，印像都唔错，所以我听朋友讲呢间甜实都几出名。今次就系下午茶时间嚟食，原来佢除咗烧腊之外，都仲有好多唔同嘅茶餐，我就食咗一个叉烧通粉配多士同埋奄列，叉烧都保持到水准㖞，少少㶶边，肉质鲜味，另外朋友就嗌咗一个鸡扒米线，坦白讲就冇佢嘅烧味咁出色啦，不过整体嚟讲都唔错嘅，再加上同位置好方便嘅关系，所以下午茶时间一样爆到七彩。