影片
更多
2020-06-28
278 浏览
疯狂小面 #中环❗️价钱实惠 令人疯狂嘅四川面馆 ❗️已经系我第二次到访呢一间四川面馆，讲起专食四川面我就会谂起呢一间😆位于兰桂坊附近，味道不俗，价钱实惠，套餐包晒面食、饮品、小食、甜品都唔使$100✨。餐厅环境够晒大，而且古色古香，用上木枱、红櫈、面谱等等。食物有香港较为少见嘅四川面、小食选择，老板话要将四川最正宗嘅味道带嚟香港👍🏻。呢度嘅套餐可以有唔同选择，分别有1️⃣面+饮品$78，2️⃣面+饮品+小食$88，3️⃣面+饮品+小食+甜品$98。另外可加钱配搭更多小食。见佢$100都唔使，所以嗌咗两个$98嘅套餐，仲加钱嗌多咗小食😛可以自选唔同嘅辣度同麻度，我哋嗌左BB辣，惹味得来唔会觉得辛苦。1️⃣疯狂豌杂面套餐 $982️⃣疯狂牛肉面套餐 $98.面食🍜▪️豌杂面：系我第一次喺香港见到呢一款四川面食。系一种拌面，面头放满左软绵绵嘅豌豆蓉、甜甜地可口嘅肉碎、花生、酸菜，捞埋底下嘅炒杂酱，甜辣麻集于一身，真系几好食☺️面底用上四川面，望落去弯弯曲曲似即食面，但较为粗身、入口烟韧似拉面，挂汁力强！味道: 4.1/5▪️牛肉面：同样用上四川面，但今次系汤面，口感保留一贯嘅烟韧✨不过可能因为我哋拣咗BB辣，所以汤底就
❗️价钱实惠 令人疯狂嘅四川面馆 ❗️
已经系我第二次到访呢一间四川面馆，讲起专食四川面我就会谂起呢一间😆位于兰桂坊附近，味道不俗，价钱实惠，套餐包晒面食、饮品、小食、甜品都唔使$100✨。
餐厅环境够晒大，而且古色古香，用上木枱、红櫈、面谱等等。食物有香港较为少见嘅四川面、小食选择，老板话要将四川最正宗嘅味道带嚟香港👍🏻。
呢度嘅套餐可以有唔同选择，分别有1️⃣面+饮品$78，2️⃣面+饮品+小食$88，3️⃣面+饮品+小食+甜品$98。另外可加钱配搭更多小食。
见佢$100都唔使，所以嗌咗两个$98嘅套餐，仲加钱嗌多咗小食😛可以自选唔同嘅辣度同麻度，我哋嗌左BB辣，惹味得来唔会觉得辛苦。
1️⃣疯狂豌杂面套餐 $98
2️⃣疯狂牛肉面套餐 $98
.
面食🍜
▪️豌杂面：系我第一次喺香港见到呢一款四川面食。系一种拌面，面头放满左软绵绵嘅豌豆蓉、甜甜地可口嘅肉碎、花生、酸菜，捞埋底下嘅炒杂酱，甜辣麻集于一身，真系几好食☺️面底用上四川面，望落去弯弯曲曲似即食面，但较为粗身、入口烟韧似拉面，挂汁力强！
味道: 4.1/5
▪️牛肉面：同样用上四川面，但今次系汤面，口感保留一贯嘅烟韧✨不过可能因为我哋拣咗BB辣，所以汤底就唔算好浓，较推荐拌面🙈不过胜在牛肉用上牛腩部位，够晒淋！
味道: 3.5/5
.
小食🍖
▪️钟水饺 加$32：一共有六只🥟饺子皮比一般通透，口感烟韧，最特别系佢酸酸甜甜嘅酱汁，应该加上咗甜豉油同埋醋，非常有惊喜，值得一试！
味道: 4.2/5
▪️夫妻肺片 加$32：唔好睇佢细细碗，但有大量牛肚牛脷🥩麻辣程度比起面强，够晒入味，好好食！
味道: 4.1/5
▪️棒棒鸡 加$32：
麻辣程度同夫妻肺片相若，一片片嘅鸡肉唔肥但够嫩🐔同样好入味！
味道: 4.1/5
.
甜品🍮
▪️成都老冰粉：如果未食过冰粉嘅一定要嚟呢一间试吓😆冰粉口感好似爱玉，滑脱脱。呢度嘅冰粉除咗红糖，仲加入青提子干同埋山楂，令到口感味道更加丰富👍🏻喺其他四川餐厅好少见到咁足料。
味道: 4.1/5
▪️红枣银耳汤：系一个甜汤，感觉上系将红枣雪耳加上冰糖去煲，滋阴养颜，但冇咁特别。
味道: 3.6/5
.
饮品🥤
▪️除咗柠茶柠水，仲有酸莓汁、罗汉果冬瓜茶拣。
味道: 3.6/5
整体性价比: 4.5/5
整体来讲，我觉得喺兰桂坊可以以呢个价钱都咁嘅水准的确唔错！虽然唔系啲传统大四川餐厅，但相信佢嘅味道唔会令人失望，平时放饭放工嚟食啱晒，而且份量都唔细，男仔食都会饱！特别推荐豌杂面、钟水饺！
疯狂豌杂面套餐
$98
52 浏览
0 赞好
0 留言
疯狂豌杂面套餐
$98
225 浏览
0 赞好
0 留言
钟水饺
$32
16 浏览
0 赞好
0 留言
夫妻肺片
$32
47 浏览
0 赞好
0 留言
棒棒鸡
$32
111 浏览
1 赞好
0 留言
成都老冰粉
11 浏览
0 赞好
0 留言
红枣银耳汤
12 浏览
0 赞好
0 留言
张贴
