好景海鮮飯店

营业中

休息中

好耐都无去西贡, 所以约齐屋企人去叹返餐海鲜, 其实都无话特定去开边间饭店, 所以系小巴站落车后行左一圈睇下边间好, 今次我比一间叫做『好景海鲜饭店』所吸引, 因为门口写住(Corner Café), 觉得好搅笑又好奇, 所以想去帮嚫下。豉椒炒花甲花甲肥大肉厚, 豉椒香口野味, 辣度适中, 水准之作 !酥炸砵酒蚝利用筒蚝炸到外趣内滑, 食落口中传来阵阵鲜味, 真系有一种好creamy既感觉, 正呀!黄金虾黄金虾我食过好多, 未食过咁重料的, 咸蛋超多, D虾又大又新鲜, 用来送啤酒一流 ! 清蒸老虎斑老虎斑非常新鲜, 最重要梗系火喉刚刚好, 肉质好滑, 配合姜葱豉油, 真是美味无穷 !避风塘炒蟹用料新鲜又大只, 蒜头嘅香味溶入蟹中, 食落去啖啖肉, 必叫菜式 !鹅掌扣大鲍鱼鲍鱼非常入味, 鹅掌炆到入口即溶, 真是师傅的招牌菜 !今晚餐饭真系食得好饱好满足, 菜式水准又到家, 最重要就系价钱平民化, 真系大件夹低食 !