坤記麵家 (已結業)

赶返工前嘅一餐🙄大概一点半左右我平时都好钟意食面档，除左油面之外，我咩面都食。听男友讲过几次呢间面档唔错，趁今日返晏昼就即管试下。通常面档价钱都平民，特别位于屋邨附近。由于时间紧迫关系，都忘记左影餐牌同价钱，约29至39蚊碗。讲讲牛筋河先，牛筋煮得腍，但有咬口，完全唔晒牙力。河粉吸晒腩汁汤底，好食到不得了。河粉唔会碎湿湿，系一条条长嘅，我谂大家食过河粉就明😂热腾腾嘅河送到面前，尽管大热天时，都不减食欲，太香喇！鱼皮饺系我最爱，不但至我食面爱，打边炉都不能少。讲讲河粉先，我叫左清汤底，有葱同疑似干蒜（腩汤底个碗都有）。唔好以为咁会失色，清汤有自身独特香味，一边食一边闻住好香嘅葱味，都系一番享受。鱼皮饺好大只，我觉得似自家制🤔未食过咁大只，而且皮会比出面食开嘅厚，size系馄饨个种。鱼皮饺入面嘅肉都好香，咬开少少再加啖汤😋你感唔感受到个种滋味座位就偏窄，大部分面档设计都唔会好阔落。我正值中午时间，多人食，如果咁啱要坐出面位，就会俾太阳晒住，冇风扇都食得几狼狈，一边抹汗一边食。卫生程度我接受到，一般食肆咁。总结：有得拣就坐入面位，汤底加腩汁会更好味，河粉都够饱（以我都偏大食嘅女仔标准）。物价