上海佬飯店

营业中

休息中

新开业上海菜都几多人帮衬，个个都贪新鲜(包括我)，两个人叫咗好多样野，味道唔系唔好，不过就有进步空间。酸辣汤味道OK，酸同辣都Balance唔会偏埋一面，不过入面D配料感觉上唔太丰富，幸好D野都新鲜。上海粗炒无乜香味，D面嘅质地太林，我钟意有弹性D嘅面，幸好唔会油淋淋食到成口油。小笼包唔错，不过第一粒夹个顶时爆咗，可能系我夹得衰，佢个小笼包包嘅时候明显整到个顶好厚，可惜我都夹穿咗一粒，之后好小心就无出事了。雪菜肉丝炒上海年糕用嘅年糕唔够烟韧，太过软淋淋唔系好似平时食到的上海炒年糕嘅口感。豆沙窝饼边𠮶4件唔够豆沙，所以得块皮，麻麻地。