蓮苑 (已結業)

跟朋友约左K11, 之前睇食评见店内有小丸子所以约左呢间，点知黎到除左餐牌封面有小丸子及门口有少量小丸子精品之外，就完全没有了，的确有点失望...周围都好多人，但呢间餐厅竟然仲有吉位冇坐满...点左京都炸酱捞面 $78，本身好喜欢食呢个面所以唔同餐厅有的话都会叫，呢到系煮得唔错，起码够健康冇咩肥肉，个面比之前食过既辣，但接受到，仲包埋云吞，虾肉新鲜弹牙唔错！😋再点左个蟹肉鸡粒豆腐小炒$88，加$10转餐有饭及饮品，加$18可以再多碟菜心，价钱都实惠，而家有饭有肉有菜，而且味道几清，感觉几健康！但个饭应该落少左水去煲，太干冇咩口感...再点左个芝麻糊，见个样好足料，但食落觉得唔多够芝麻味，好似加重左粉成糊既质感，食到一半变左水，呢个好一般...