嘉樂意大利餐廳

营业中

休息中

葵芳有好多好食嘅餐厅 今日介绍嘅就系其中一间😬虽然餐牌好多食物都同萨利亚好似 但我觉得呢间餐厅嘅格调同卫生应该比萨利亚好好多😂 至少冇见到一只只活生生嘅曱甴🪳 今次食咗午餐 包一份前菜 主食 同饮品 前菜有得拣雪糕 我地两个都想食雪糕多过田园沙律🥗红酒烩牛腩配黄姜饭 好少地方有黄姜饭食 所以都对呢碟饭有啲期望🙈 不过令人好惊喜嘅系佢嘅牛腩 整得非常入味 而且炆得好林🐮 完全唔会韧到咬唔开 不过黄姜饭味道唔算突出 只系有淡淡嘅味道 俾佢嘅颜色呃咗🙊蜜桃肉酱叉烧焗饭 蜜桃系罐头水果 所以比较甜 但同个焗饭都几夹 个饭系炒饭底 其实都几好食 不过个碟嘅size比较细 好似都唔太够喉😺热朱古力 真系同萨利亚嘅好似😂 我觉得可以再苦翻少少 浓翻少少会好饮啲芒果汁 虽然几特别 但味道有少少假甜味 所以都少少失望🙍🏻‍♂️整体呢间餐厅都唔错 有机会一定会再食🥰