爆丼屋 (已搬遷) 新店位置

特别节日想食啲好嘢，朋友就谂起呢间「爆丼屋」～餐牌上嘅丼饭有10几款，每款嘅图片都好吸引，因为啲鱼生/配料都会摆到满晒，完全遮住咗下面嘅饭🤩 我哋一人叫咗一碗丼饭，待应仲会畀两只碟，咁打完卡之后就可以将部份鱼生摆落只碟，方便食嘅时候可以同时食到鱼生同埋饭～ 两碗丼饭嘅鱼生都比较薄切，而丼饭就用上常温嘅醋饭，饭量都几多～•🥢 超份量！三重大极上丼 $398呢款丼饭睇相已经觉得好吸引，好彩实物都无太大落差🤩 佢嘅鱼生就有拖罗、日本海胆同埋围住喺碗边嘅蟹肉～ 拖罗嘅油香好浓，口感好嫩滑，虽然每片拖罗都系比较薄，但份量算多，数埋都有10几片😋海胆就只有最顶嘅2-3片，食落几滑几鲜甜，但都带些微腥味😬 蟹肉嘅份量好多，食落都鲜甜～ 整体嚟讲，呢个丼饭都值得一食～•🥢 火焰盛丼 $165相对之下，呢个火焰盛丼就真系唔太抵食～呢个丼总共有4款火灸海鲜：帆立贝、左口鱼裙边、三文鱼同蟹棒，每款有「4件」左右，中间仲有一只蛋黄可以捞饭食🤤～整体啲鱼生都新鲜嘅，但只有三文鱼比较大片，帆立贝同左口鱼裙边都非常之细件，尤其系帆立贝，系将一件本身已经比较薄嘅帆立贝片开做2块，食落真系唔太满足😢😢仲有一个几大嘅缺点