一點心 (通菜街)

营业中

休息中

由佢开业到而家，间中都会黎帮衬下。初初真系又平又好食的，亦都无咁多人，唔驶等好耐。但自从米芝连推介过之后、就次次黎都要等成个钟，但未搬铺前都仲算抵食好味。事隔一排发现原来细铺搬大铺，夜晚10点唔驶等位又好饿，谂都唔谂就入左去，坐低后见到好多鬼佬同游客就知出事，有个疑似经理挂住同鬼佬吹水，而其他店员就十分忙碌、写好点心纸就叫左位侍应来，果位女侍应就只系举起手指示意我系咪一个人，我话系一个，佢就点一下头，再问佢要杯茶，佢又点一下头，完全无出过声，又无笑容又黑口黑面，哗，呢d 系乜野服务？最后想点个芒果卷带点回家，另一位侍应就皱晒眉而又好唔耐烦咁话无啦卖晒啦。真系呢⋯⋯无咪无啰，驶唔驶皱眉呀。点解个个侍应都咁既面口，无一个友善。点心已经无以前咁好食，茶芥每位6蚊但只系有色既茶，完全无茶味，快餐店茶包都好饮过佢。咁多年来，第一次有下次唔会再黎既想法。