影片
更多
2022-02-07
1424 浏览
早几星期前跟师姐去西贡食海鲜. 回味无穷. 今日自己嚟流浮山揾食! 香港主流食海鲜嘅地方有西贡, 鲤鱼门. 远少少就三圣邨. 山长水远嘅流浮山主攻本地客. 普遍认为价钱较合理.朋友介绍. 今日第N次嚟流浮山明记. 食物有水准. 环境服务属饭店水平. 价钱靠普.睇睇海鲜金鱼缸. 我钟意食嘅都齐晒.首先送个鱼汤. 少少奶白色. 鲜味. 真系可以饮好多碗.第一道海鲜系蜜饯蚝. 蚝喺流浮山名物. 必点! 今日嘅蚝比较大只. 有种蜜糖加云呢拿嘅口感.豉油王煎虾. 虾头膏香. 虾肉Ok. 豉油好入味. 真系连头连壳食晒. 不过未系哗一声. 支豉油90分. 上次西贡99分.油盐水浸蝴蝶蚬. 明记嘅”油盐水煮法”特别出色. 每次我都问老板推介食材. 今日拣咗蝴蝶蚬.蚬肉较厚身. 多咗嚼口. 汤汁味道又鲜又浓. 俾到蚬肉足够味道, 又保留到蚬嘅鲜味. 斋饮汤汁紧系咸. 但系我都饮晒. 太好味!豉椒炒蛏子. 蛏子今日够大只. 爽口, 鲜甜. 配咗煎米粉底. 唔系好多地方食到. 推介.果皮蒸鲍鱼. 鲍鱼高质, 唔靭. 豉油味入晒鲍鱼. 一流.蒜蓉粉丝蒸扇贝. 大只. 啱啱熟. 蒜蓉味唔重. 啱我口味.最后一
朋友介绍. 今日第N次嚟流浮山明记. 食物有水准. 环境服务属饭店水平. 价钱靠普.
睇睇海鲜金鱼缸. 我钟意食嘅都齐晒.
首先送个鱼汤. 少少奶白色. 鲜味. 真系可以饮好多碗.
第一道海鲜系蜜饯蚝. 蚝喺流浮山名物. 必点! 今日嘅蚝比较大只. 有种蜜糖加云呢拿嘅口感.
豉油王煎虾. 虾头膏香. 虾肉Ok. 豉油好入味. 真系连头连壳食晒. 不过未系哗一声. 支豉油90分. 上次西贡99分.
油盐水浸蝴蝶蚬. 明记嘅”油盐水煮法”特别出色. 每次我都问老板推介食材. 今日拣咗蝴蝶蚬.
蚬肉较厚身. 多咗嚼口. 汤汁味道又鲜又浓. 俾到蚬肉足够味道, 又保留到蚬嘅鲜味. 斋饮汤汁紧系咸. 但系我都饮晒. 太好味!
豉椒炒蛏子. 蛏子今日够大只. 爽口, 鲜甜. 配咗煎米粉底. 唔系好多地方食到. 推介.
果皮蒸鲍鱼. 鲍鱼高质, 唔靭. 豉油味入晒鲍鱼. 一流.
蒜蓉粉丝蒸扇贝. 大只. 啱啱熟. 蒜蓉味唔重. 啱我口味.
最后一道海鲜: 盐焗奄仔蟹. 明记嘅名菜. 可惜唔系当造. 点咗两只. 卖相麻麻地. 一大一细. 颜色又唔同. 不过有得食已经好好.
记得上一次食过. 蟹膏超爆超香. 真心推介.
总结一下: 明记走大众化路线. 讲真, 海鲜同加工费都好难逐样计逐样格价, 最紧要埋单合理. 食过明记几次, 价钱靠普.
服务环境一般般. 上菜速度都几快. 海鲜冻咗食真系自动扣分. 不过一分钱一分货. 唯有人手叫佢上慢少少.
味道方面, 烹调功夫唔错. 必试油盐水煮菜式. 豉油虾支豉油比其他地方稍逊. 蒸鲍鱼同扇贝嘅豉油反而更有水准. 必点菜式一定系奄仔蟹. 值得推介, 一定会再嚟.
张贴
