浪．麵 (已結業)

价钱同嘢食质素系OK嘅，店员都有礼，但安排上觉得实在有少少混乱。下午6点入到餐厅，觉得都算系正常晚餐时间。但自问自己系都几心急嘅人，所以入店𠮶阵都有问系咪ready可入座，见店员示意ok。而入到去果阵店内暂时得我，心谂应该即刻煮嘅话都唔使等好耐，等左20分钟都未有任何上菜，而隔离位都开始坐落其他客。当去到接近点餐后30分钟，我点嘅餐终于上菜，而紧随其后坐喺隔离嘅客过多几分钟都有餐上。系有少少计较嘅，但心谂备餐时间使唔使差几远，觉得餐厅如果未准备好食材嘅话，一系店客入到嚟嘅时候讲明备餐会耐少少，唔好搞到个差距觉差咁多。另一个问题系图不对餐，因餐厅系用QR code落单，所以Menu嘅嘢都系睇电话睇图睇字，今次叫左鲜蕃茄轻酱油浓汤，见到幅图系有叉烧配菜同蛋，咁我点左大大广岛蚝，照常理咁谂都系配菜配蛋挂(?)，点知嚟到碗嘢系冇蛋，一问之下原来加钱转蚝反而就会冇咗蛋，咁我都表示无奈，觉得应该要喺个app度写清楚你哋配搭，唔好搞到令到科技搞到实行上仲倒退。