Running 燒 (已結業)

呢排夜晚冇堂食，好挂住之前有得无限出街食饭嘅日子，于是我不期然谂返起之前去食嘅呢餐饭，真系谂起都想流口水呀><韩式烧肉放题一向都系我嘅最爱，因为减紧肥嘅我系行紧低碳嘅，即系唔可以食太多粥粉面饭之类嘅淀粉质主食，咁韩烧就可以无限食生菜嘅，咁啱我又好钟意食生菜，所以呢间Running烧就真系啱晒我食喇。等个炉热嘅期间可以出去拎啲嘢食先，呢度都好多嘢拣的。咁我就毕咗碗养生鸡汤先，佢系韩式鸡汤黎，饮落个胃暖暖地，好舒服。好，正式开烧！我同男友食匀牛肉鸡肉猪肉，男友最钟意嘅系牛仔骨，听闻近骨嘅肉系好好食，此言不假，牛仔骨经过铁板炙烧，肉香浓郁，仲可以食埋骨边薄薄一层牛筋膜，口感好正。而我最心水嘅，除咗一向都好喜爱嘅猪大肠，就系牛五花肉。Running烧嘅牛五花肥瘦相间，脂肪同牛肉嘅比例完美，用啲新鲜生菜wrap住黎食，根本系人间美味👍烧咗一轮肉，男友order咗啲其他野食。真系估唔到，佢嘅小食一样咁出色。鱿鱼须炸到金黄色，再点一点佢嘅韩式辣酱，成件事好惹味。炸饺子都好好食，一样系韩式饺子，入面有粉丝，多一层唔同口感🤤呢度嘅酱汁有好多款，任你沟；仲有好多蔬菜、嘢饮同甜品系任食，我觉