蚊蚊豬老火鍋

营业中

休息中

今日再一次嚟到蚊蚊猪老火锅，今次嚟嘅系深水埗分店，餐厅位于荔枝角道，由深水埗站出行5分钟左右就到，位置非常方便😊。。呢间餐厅真系好抵食，120分钟任饮任食，无限转煲，都只不过系大概$300，而且而家仲有期间限定，有三款特别嘅锅可以选择，分别系真。龙虾锅、鲍鱼鸡煲、雪蟹三文鱼头锅🤩。每一款都好吸引，真系好想全部都叫晒，不过只可以三拣一😂。。最后，我哋拣咗真。龙虾锅，个汤底非常之鲜甜，好有龙虾味，真系要饮返两碗先，而且都有大大只龙虾喺度，食落都几新鲜唔错👍🏻。饮完个靓汤，跟住当然要转返我嘅最爱-烤鱼啦😂。我拣咗原味香辣清江鱼，鱼肉本身已经烤得好香脆，清江鱼肉质比较滑嫩，而且有少骨，咬落口啖啖肉，再加上佢嘅辣味同调味料，越食越惹味，食得好过瘾😋。既然系无限转煲，当然要食埋鸡煲啦❤️。重庆麻辣鸡煲，简直冇得顶，佢嘅啦调得好出色，非常入味，而且佢嘅鸡肉十分嫩滑，无论系鸡髀定系鸡胸部份，食落口滑嫩多汁😚。最后当然要用呢个重庆麻辣嘅汁底打边炉，本身入座就已经送上左一份极品牛皇拼盘同空运刺身盛🙈。牛肉嘅脂肪分布均匀，食落好牛味十足，再加上个锅底嘅调味，劲好食。而刺身亦都好出色，冇雪味好鲜甜，好正👍🏻。