影片
更多
2022-06-08
889 浏览
🥢锅卷鸣门 🔍旺角通菜街1A-1L号威达商业大厦3楼3B室-----喺朋友嘅极力推荐底下，前几日收工带咗爹哋妈咪嚟呢一间日式海鲜火锅店食晚餐。缓缓打开嘅木制🚪大门，带点华丽又带点✨神秘感，场内座位非常宽敞，设有自助qr code落单，亦有自助区比客人自己攞食物。🥣汤底：建议可以拣傅统鲣鱼清汤，因为佢哋嘅海鲜极其新鲜，较清嘅汤底更能突出海鲜嘅鲜甜味。🔥海鲜区：佢哋嘅海鲜区并唔系一般嘅急冻海鲜，系用水缸养住嘅全活海鲜，比客人任夹任食，亦都系朋友极力推介嘅主要原因。活海鲜嘅种类颇多，例如有活鲍鱼，蚬、赖尿虾、大虾、海螺、刀贝等等，而且全部都系有质素嘅海鲜，Size够大，味道够鲜，质感弹牙，自己屋企打边炉都未必舍得买咁好，可以任食都几惊讶，只要夹海鲜技巧得当，快手夹完再返去现洽现食，轻松回本绝对唔难。另外，我哋四个人惠顾仲有送上一只新鲜现切龙虾🦞（最少两人惠顾就有送龙虾）不过呢个就一次性冇得再order嘅。🍤天妇罗：佢哋嘅天妇罗全部都系即叫即炸，酥香得黎，天妇罗中央嘅食材亦都用得不错，炸虾唔会好似坊间好多嘅任食天妇罗咁，淡而无味。紫芋栗子薯饼亦系另一心水之选，颜色诱人，芋香浓浓，且带有粒粒栗子
🔍旺角通菜街1A-1L号威达商业大厦3楼3B室
-----
喺朋友嘅极力推荐底下，前几日收工带咗爹哋妈咪嚟呢一间日式海鲜火锅店食晚餐。
缓缓打开嘅木制🚪大门，带点华丽又带点✨神秘感，场内座位非常宽敞，设有自助qr code落单，亦有自助区比客人自己攞食物。
🥣汤底：
建议可以拣傅统鲣鱼清汤，因为佢哋嘅海鲜极其新鲜，较清嘅汤底更能突出海鲜嘅鲜甜味。
🔥海鲜区：
佢哋嘅海鲜区并唔系一般嘅急冻海鲜，系用水缸养住嘅全活海鲜，比客人任夹任食，亦都系朋友极力推介嘅主要原因。活海鲜嘅种类颇多，例如有活鲍鱼，蚬、赖尿虾、大虾、海螺、刀贝等等，而且全部都系有质素嘅海鲜，Size够大，味道够鲜，质感弹牙，自己屋企打边炉都未必舍得买咁好，可以任食都几惊讶，只要夹海鲜技巧得当，快手夹完再返去现洽现食，轻松回本绝对唔难。另外，我哋四个人惠顾仲有送上一只新鲜现切龙虾🦞（最少两人惠顾就有送龙虾）不过呢个就一次性冇得再order嘅。
🍤天妇罗：
佢哋嘅天妇罗全部都系即叫即炸，酥香得黎，天妇罗中央嘅食材亦都用得不错，炸虾唔会好似坊间好多嘅任食天妇罗咁，淡而无味。紫芋栗子薯饼亦系另一心水之选，颜色诱人，芋香浓浓，且带有粒粒栗子咬口，令人欲罢不能。
🐟刺身：整体质素稳定高水准，鱼类极其厚切，油脂丰腴，带子亦系柔嫩鲜甜。
🥬火锅配料及蔬菜：
佢哋嘅自助区火锅配料选择亦颇多，菜类方面特别啲嘅有羽衣甘蓝同埋冰菜等等。不过由于全程focus狂食高质海鲜嘅关系😂，其实正常都冇咩时间食火锅料同菜。值得一提嘅系佢哋嘅自助区食物全部都有用有盖嘅器皿装住，卫生度佳。
🍦饮品&甜品：
佢哋有几只品牌嘅生啤任饮，雪糕嘅选择都好多，回本之选当然系贵价嘅MÖVENPICK或者Häagen-Dazs。（中意怀旧嘅都有多款Appolo雪糕可供选择）
-----
👶🏻B仔整体评价：8.1/10个👍🏻
👶🏻B仔抵食程度：8/10个👍🏻
👶🏻B仔环境评分：7.5/10个👍🏻
👶🏻B仔服务评分：8/10个👍🏻
👶🏻B仔味道评分：8.5/10个👍🏻
👶🏻B仔回头机会：8.5/10个👍🏻
-----
#swallowhongkong
☺️快D跟住B仔一齐吞食香港啦！🤤
#swallowmk
张贴
