大井町日式放題 (已結業)

平时好少食放题，但屋企人出咗粮想话想餐好既就食啦，呢间野系小妹屋企附近，于是就book Sunday brunch住得都几阔落，空间感都大，可以坐底慢慢食。要开动了🥳一坐底就拎咗d前菜，青口好大好甜，唔会霉口，螺肉大只无沙无雪味，大大只跟住cocktail sauce同麻酱好正最令人惊喜既系呢个日式茶碗蒸，蛋有好香既鱼味，应该加咗高汤去蒸煮，入面有香菇、虾仁，秋葵等等 又细致又好味，encore 咗两转。鱼生都好新鲜，虾类都有自然既甜味，，阿妹话除咗吞拿鱼有少少腥其他都正。黎都炸物既部分，芝士年糕一如既往流心香口好邪恶！香芋丸奶味都浓，但最令我开心既系个榴连炸丸，出面无架，食面真系好creamy再带一丝丝既果肉，真材实料又encore,必食！牛舌唔会难咬，羊架烧得香口多汁唔会太un,支少少柠檬汁锦上添花，一口肠都正常发挥榴连雪条都记得要食，另外仲有好多野饮同甜品，大家个胃够大可以再食另外一题个海胆手卷都好食，唔系好多地方放题食到海胆，埋200蚊一个人就食到咁多野，而且好高质，侍应哥哥都好有礼貌，无咩漏单，下次再食过。