濟州燒肉食堂

营业中

休息中

平日夜晚都满座，人手好少，侍应好忙好忙。要添前菜、炉边物、改铁网嘅时候成日都要等5分钟以上，有时要再提多次，但系佢哋真系好忙，有时都会自动自觉添野食、收碟。野食整体都唔错，但酱汁类嘅烧肉都偏重口味，前菜、炉边物味精味都几重手吓*前菜：泡菜、酱油萝卜、凉拌芽菜、辣拌四季豆，全部都好食、出色，清新、爽口、微辣。最开心系可以任添！炉边物又系任添！泡菜蛋：记得半熟嘅时候要捞吓啲蛋，嫩好多架。芝士粟米：有芝士就系正！济洲五花肉套餐 $588套餐包晒海陆两味：大八爪鱼须、牛小排、豪快严选牛舌、济洲五花肉、酱油猪排骨肉。质素普通，无论牛肉猪肉嘅肉味都属于中上水平，八爪鱼须弹牙肉脆。我最钟意系五花肉，烧到焦黄色，再剪开细块，点少少汁再加泡菜，包埋生菜食好正！拣咗韩式炒粉丝，配料种类多但份量少，肉丝、红萝卜丝、洋葱丝，味道普通，而且偏油。豪快苹果酱油鸡腿 $88鸡腿厚肉大只，所以好难烧🙈最后要剪开一块块烧先熟得晒。肉质好嫩好水，但系鸡肉味俾酱油味盖过晒。