新麻蒲 BBQ (波斯富街) (已結業)

今日一行四人叫左个$777四人猪牛鸡90分钟任食，连埋加一$854。见到杂志介绍同食评唔错，谂住一试，但发现中伏。首先服务好差，叫左嘢食成半个钟先到，四罐嘢饮要催先至拎过嚟（汽水又唔冻），但𠮶时12点零全场都无乜人；但埋单就非常准时，真系手脚慢啲都食唔到乜。啲肉食非常唔新鲜，腌得太咸，肉又碎又咬唔开，见图五花腩得肥膏；五款猪肉但有三款无得拣（黑毛猪肩、护心肉、猪颈肉），咁点解唔一开始话比人知呢？成件事觉得比人呃左。成次韩烧感觉好似去食露天BBQ；啲肉根本入唔到口；未试过食任食食完都唔饱；写呢篇食评只系唔想有人同我一样中伏。P.S. 呢篇系我人生中第一次食评，真系好嬲先写得出。