爆汗串串 (已結業)

今日同朋友来到呢间爆汗串串, 平时喜爱食重庆串串的朋友可以过嚟试下, 因为呢度系可以任食嘅最贵都系一百六十几蚊加一. 首先讲下呢间舖头唔算大, 大约廿零人就坐满. 所以都系建议早少少去. 呢度有任食串串嘅款式众多, 仲有小食, 面类可以任叫, 加30蚊仲可以任饮, 唔任饮都可以叫佢畀茶水. 叫小食就最快到, 所以可以点都系啲小食先. 每样小食都好好食, 我有几钟意佢个棒棒鸡, 即系芝麻酱青瓜鸡肉, 清新得呢又唔油益. 叫完串串之后就要拣辣度, 当然唔够辣嘅话可以加辣, 但系就唔可以调返转减辣. 第一round佢会有盆辣汤汁执同埋串串一齐上, 之后如果再加串串的话佢会直接放落现有个盘辣汤汁度. 特别推荐牛柏叶, 墨丸, 鱿鱼同埋牛肉, 整得好食. 另外可以叫娃娃菜, 会索晒啲辣汤汁, 超正. 今次就冇试面食, 因为食串串都食到饱. 另外记得嗌佢甜品, 好似酒酿啫喱咁, 会有惊喜.