新星海鮮酒家 (已結業)

八点九去到已经有成棚人等紧位,好彩有订位. 一到九点钟就嗌飞入场,发觉就算去到先攞飞都唔会等好耐,因为里面都有几多吉台,连续嗌好多张飞,成堆人涌上去.九点后打边炉任食任饮,饮品方面除汽水外仲有凉茶; 我几钟意个凉茶,因为出奇地唔甜,我初初仲以为唔多唔少都会沟糖水...食物方面,牛肉OK但都几"雪花"(肥); 海鲜都几新鲜,海虾唔错; 我至爱的丸类则以流心蟹粉丸最掂. 墨鱼丸都有但要点四宝丸先有; 另外有个唔知乜麻辣丸,食落得个辣字,无特别.食物种类同其他地方差唔多,以任食来讲质素算唔错. 我初初以为七十八蚊一位,但最后加埋花生加一等每位都要百一; 不过我们无执输地玩了三粒钟,加上张台位置好正,算抵番啦...