One More Hotpot 來一鍋 (已結業)

今日同朋友去咗铜锣湾𠮶度打边炉然，后去咗呢一间来一锅，见到上网啲评价唔错，我哋拣咗晚市海鲜火锅套餐，套餐可以任饮汽水之余，仲任饮白酒，红酒同啤酒，认真吾错㗎！套餐已经包括左好多唔同种类嘅海鲜之余，然后再睇吓餐牌，发觉都有几多出面食唔到嘅火锅配料！例系有手工嘅水饺同埋云吞之外，仲有手工猪肉酿鲜冬菇，手工流心牛肉芝士丸！先来嘅系前菜，可以拣四川麻辣木耳或者系手拍青瓜，而我哋就拣咗木耳，辣辣地酸酸地好开胃！之后就到重头剧海鲜啊，海鲜方面有大虾，贵妃蚌，象拔蚌，生蚝，扇贝，青口仲有鲍鱼添！唔好讲笑，食晒啲海鲜都有成四成饱㗎啦！当然唔少得食海鲜嘅时候，要配合白酒饮下啦！白酒属中等浓郁，而其酸度则使口感更加清爽！不过我本人都系比较喜欢饮佢哋嘅手工啤，系一款立陶宛嘅淡啤酒，啤酒虽然有少许苦涩，但口感吾错，仲有少许果香，味道清新。至于红酒方面，我就兴趣不大，不过我有问过员工系咩红酒，佢地都好乐意咁拎出嚟俾我睇，仲同我讲解，服务真系好贴身好有人情味！除咗海鲜之外，食物方面仲有唔同嘅手工丸，同埋水饺云吞！ 如果仲未饱嘅话其他火锅配料都可以任叫任食㗎！重视嘅健康嘅我当然叫多几款菜嚟食吓啦，蔬菜睇得出都几新鲜