影片
更多
2022-07-28
414 浏览
星期日同老朋友 farewell ，佢住观塘附近都好多嘢食，我哋企咗喺巧明街 谂紧向左走定向右走嘅时候，佢就行咗去比较少人嘅方向，保险大楼对面原来有间 holiday inn express 酒店, 平时都唔太为意添！酒店里面有间 西餐厅 Walter Bistro，舒适地方，空间大，丰富美食，可以选择 semi buffet ，追加主菜的餐牌都好吸引，决定试试。晚市做紧优惠，折完平均每位$400-500，重点系可以任食生蚝🦪 现场即开生蚝，好新鲜非常吸引。餐厅装修布置以 Tiffany Blue 为主色，自助食物在餐厅正中位置，款式都唔少，基本上食得好满足，有即开生蚝🦪，海鲜拼盘、沙律🥗吧、cold cut、刺身、寿司🍣 热荤 、西冷牛扒、甜品蛋糕🍰 矜贵雪糕 movenpick! 即开生蚝有位大力士厨师即开生蚝，都好辛苦下，每人每次生蚝 2只，无限供应，所以唔使心急，我食咗四只已经够啦！哈哈！朋友喜欢食生蚝，佢就食咗半打，我见旁边食客一定是生蚝爱好者，他们真的吃到有赚耶。生蚝质素也很好，海水味浓郁，肉质爽口鲜甜，洒上一点柠檬汁，鲜味更突出，生蚝是必食之选。海鲜拼盘环球海鲜有冻虾、青
酒店里面有间 西餐厅 Walter Bistro，舒适地方，空间大，丰富美食，可以选择 semi buffet ，追加主菜的餐牌都好吸引，决定试试。
晚市做紧优惠，折完平均每位$400-500，重点系可以任食生蚝🦪 现场即开生蚝，好新鲜非常吸引。
餐厅装修布置以 Tiffany Blue 为主色，自助食物在餐厅正中位置，款式都唔少，基本上食得好满足，有即开生蚝🦪，海鲜拼盘、沙律🥗吧、cold cut、刺身、寿司🍣 热荤 、西冷牛扒、甜品蛋糕🍰 矜贵雪糕 movenpick!
即开生蚝
有位大力士厨师即开生蚝，都好辛苦下，每人每次生蚝 2只，无限供应，所以唔使心急，我食咗四只已经够啦！哈哈！朋友喜欢食生蚝，佢就食咗半打，我见旁边食客一定是生蚝爱好者，他们真的吃到有赚耶。
生蚝质素也很好，海水味浓郁，肉质爽口鲜甜，洒上一点柠檬汁，鲜味更突出，生蚝是必食之选。
海鲜拼盘
环球海鲜有冻虾、青口、翡翠螺，海虾大大只好爽甜，翡翠螺爽脆口感好滑溜。
沙律
沙律菜喺一田买其实好贵，所以食多啲菜有益，种类多又新鲜，醒胃沙律菜是夏日小凉伴。
冷盘
冷盘有我最爱的烟三文鱼，入口咸香满溢，其余芝士、西班牙火腿、密瓜选择都几多，食到停唔到口。
刺身寿司
刺身每晚都唔同，我今晚就有三文鱼同带子，带子系厚切，入口鲜甜；仲有我喜欢的鳗鱼寿司🍣好好食！
热荤
热荤衬热食嘅𩠌菜，同冷盘相反；有鸡、烧腩肉，还有炒饭。令人垂涎三尺的即切西冷牛扒，当中牛扒味道都唔错。
最钟意呢度地方够大，可以同朋友慢慢倾偈，没有时间限制，又唔使俾人赶走食两轮，呢个价钱真心抵食！因为我哋前后成几个钟，所以我哋都追加了主菜。价钱相当吸引，最平加 $68 就有交易，我最后追加了香煎鱼柳及新鲜蔬菜。
主菜
香煎鱼柳及新鲜蔬菜
主菜份量大，配有新鲜蔬菜及薯蓉，香煎鱼柳皮香脆，配上厚身又嫩滑的鱼肉，肉质嫩腍，肉汁丰富，性价比很高。
Movenpick雪糕
唔可以错过嘅甜品，有朱古力蛋糕同埋 Movenpick 雪糕作结。
最后送餐饮一杯，85折后每位400几蚊，性价比高，环境服务都唔错，好满意！下次仲可以约其他朋友嚟倾足一晚。
张贴
