更多
2024-01-07
604 浏览
呢间日式烧肉店与其话系烧肉店,比较似肉店,佢哋原件日本和牛拎返嚟,再由师傅进行切割,仲要拎到鹿儿岛和牛嘅认证,品质有保证!餐厅入面环境阔落,全部都系卡位设计,张枱够大,叫多几款肉都可以放得晒!出面有一个自助区,嘢饮、酱料同甜品都可以喺出面拎,但款式唔算太多,都系主攻佢嘅牛肉啦!🤩-——————————————❤️🔥◖D餐日本黒毛和牛6 款◗ $478有多达132款品项,可以任食120分钟,有唔同国家嘅和牛,日本、澳洲、美国都有,套餐包咗4个头盘,有黑毛和牛4款、海鲜3款、是日黑毛和牛精选,唔同牛肉都可以试一试先!/肉类🥩嚟呢间真系疯狂叫肉食!佢有日本和牛,都有来自澳洲、美国嘅精选牛,质素都唔错!日本和牛布满雪花,肉嘅纹路好靓,而且好新鲜,食落口牛味超浓,一啲都唔韧,但建议食返啲瘦嘅部位,唔系好容易就会腻!啲肉烧到微微焦脆,点写日式烧汁,超好食!除咗牛肉,仲有啲日本豚肉同鸡肉,款式都几多!另外仲有啲生牛肉料理同寿司,几鲜食落唔会腥,都值得一试!/海鲜🦑呢个套餐包咗一个海鲜头盘,入面有大大只鱿鱼、虎虾、青口。先将柠檬唧喺鱿鱼上面,烧到咁上下再搽啲烧汁,烧出嚟又香又脆口,酸酸地又甜甜地,几过
-——————————————
❤️🔥◖D餐日本黒毛和牛6 款◗ $478
有多达132款品项,可以任食120分钟,有唔同国家嘅和牛,日本、澳洲、美国都有,套餐包咗4个头盘,有黑毛和牛4款、海鲜3款、是日黑毛和牛精选,唔同牛肉都可以试一试先!
/肉类🥩
嚟呢间真系疯狂叫肉食!佢有日本和牛,都有来自澳洲、美国嘅精选牛,质素都唔错!日本和牛布满雪花,肉嘅纹路好靓,而且好新鲜,食落口牛味超浓,一啲都唔韧,但建议食返啲瘦嘅部位,唔系好容易就会腻!啲肉烧到微微焦脆,点写日式烧汁,超好食!
除咗牛肉,仲有啲日本豚肉同鸡肉,款式都几多!另外仲有啲生牛肉料理同寿司,几鲜食落唔会腥,都值得一试!
/海鲜🦑
呢个套餐包咗一个海鲜头盘,入面有大大只鱿鱼、虎虾、青口。先将柠檬唧喺鱿鱼上面,烧到咁上下再搽啲烧汁,烧出嚟又香又脆口,酸酸地又甜甜地,几过瘾!另外仲有其他款式嘅海鲜可以任叫,觉得佢嘅广岛蚝同帆立贝质素唔错,几鲜甜弹牙!
/主食🍜
佢有好多粉、面、饭类可以选择,有啲韩式冷面同半熟蛋牛肉丼饭,有啲大大碗而且啲料都几多,上面有几片烧牛肉,质素一啲都冇Hea!
/一品料理🍘
有啲沙律、炸物、汉堡扒、手卷可以拣,推介佢个可乐饼、吉列炸蚝,呢两款炸得好香脆,食落又唔会好油!
/甜品🍦
自助区有雪糕、雪条同自家制嘅蛋糕仔,款式唔算太多,但啲雪条都系明治,口味相对比较特别,都可以一试!
/饮品🥤
饮品喺出面自助区自取,有罐装嘅饮品,亦都有咖啡机,都可以自己冲茶包,解一解滞!
🌟Encore指数:8.5/10
张贴