川熙樓 (已結業)

川熙楼一向川菜水准唔错，是晚朋友买咗团购，可以去食任食火锅。两小时任点任食，仲任饮唔少无酒精饮品，要事先订座。不过呢间店搬咗去酒店内的新地址后，可能地点比较隔涉，都唔系人气好旺。酒水可另加$98一位任饮，今晚就同老友饮尽麒麟生啤、清酒、梅酒、威士忌on rock，仲第一次试饮58度二锅头，讲真就味道麻麻，而且结果饮到太守醉也。川熙楼个火锅其实唔错，任食都有几款汤底任拣。结果拣咗麻辣拼竹笙杂菌锅，。安格斯牛肉、牛粒同纽西兰羊肉，水准都相当唔错，加埋杂丸、午餐肉、鱼肉烧卖、蟹棒、芝士肠、杂菜、杂菌…水准唔错，都系按人头出份量，都算非常满意的一餐火锅～接近满两个钟够钟时，原来仲可以落单加火锅料，真系算系几有良心。值得推荐。不过川熙楼好似唔系成日有做任食团购，只坐两个钟又食得唔尽兴，我都系喜欢散叫，睇埋个Menu其实都唔算贵，坐耐啲，尽兴啲，自由啲。