金兜記海鮮菜館

营业中

休息中

一年一度嘅大闸蟹又出场啦，揾到好友Coey一齐来撑枱脚任食大闸蟹宴每位$378连埋茶位$14、加一实付每位$432.4限时食两小时， 8:15pm去到，舖头入边人山人海，六点食果场嘅人未走，八点果场嘅人已到，搞到楼面乱糟糟，客人烦躁，侍应都做到颠颠地。每人一碗杏汁炖花胶，因为已经8:30pm，非常肚饿，杏仁味浓郁，好味道花胶都OK啦，隔离枱有位女士大声呼叫投诉，话呢啲唔系花胶... 质问侍应，服务员都好无奈，其实比呢个价钱嚟呢度任食大闸蟹，你想人哋比乜嘢高质素花胶你呢，啲人真奇怪黄金虾球、豉油王BB乳鸽、炒腊味糯米饭、姜茶全部我都好钟意食，觉得好好味，仲略嫌份量唔够多添，但系望到人哋枱个个都食唔晒，我真系好大食清蒸大闸蟹每次落order都会嚟四只，我哋两位好努力咁拆蟹、叫蟹、拆蟹、叫蟹...我哋合共叫咗24只，每人食咗12只，食到好攰准时两小时，10:15pm离坐，虽然我哋每人食咗12只蟹同埋有熟食，个胃都仲系好空虚，返到屋企都11:30pm，忍口等第二朝食早餐。