影片
更多
2024-03-19
22 浏览
行经呢间火锅店见到个大海鲜缸，以为只有单点。点知再望真D，有任食火锅，仲要每位$228，问完有位就试下啦。有上下两层，楼上设有独立房间，环境都几舒适唔会太嘈吵。任饮任食2个钟，饮品自己出去拎，选择只得汽水，王老吉，梳打水，罐装啤酒及自家制饮品，火锅有冻饮就无问题啦。多款特色汤底，想比较温和滋润D，可以叫呢个竹笙椰子鸡锅 ($228/半只)，椰子水中有竹笙，椰子片及粟米，半只鸡另上(份量相当对眼)。汤滚就可以落鸡，鸡肉食到有鸡味，烚完肉质都唔韧。未正式开始火锅时间，仲有多款小食比你开下胃口，系咁易叫咗捞汁青瓜，炸鲜虾云吞，煎午餐肉及椒盐豆腐粒。入口有热度，碟椒盐豆腐粒仲系外脆内软，拍得住酒楼散叫水准。牛肉选择方面，任食都有安格斯牛小排，手切本地吊龙及牛舌心。薄切牛小排，烚两烚就已转色，边位带点脂肪，好食。而吊龙就肉味较出。牛舌心除咗烧，火锅都好OK架，好香牛舌味又唔韧，喜欢嘅仲可以一口两三片。估唔到牛内脏类都唔少，除咗有黑栢业，牛骨髓外，仲有牛王喉，任食火锅中都少见。只需烚几十秒，口感爽脆。鸳鸯滑可三选二，要咗虾滑及墨鱼滑，一筒可整4-5粒滑。浮起就食得，入口有惊喜，口感札实得黎又弹牙，
点知再望真D，有任食火锅，仲要每位$228，问完有位就试下啦。
有上下两层，楼上设有独立房间，环境都几舒适唔会太嘈吵。
任饮任食2个钟，饮品自己出去拎，选择只得汽水，王老吉，梳打水，罐装啤酒及自家制饮品，火锅有冻饮就无问题啦。
多款特色汤底，想比较温和滋润D，可以叫呢个竹笙椰子鸡锅 ($228/半只)，椰子水中有竹笙，椰子片及粟米，半只鸡另上(份量相当对眼)。
汤滚就可以落鸡，鸡肉食到有鸡味，烚完肉质都唔韧。
未正式开始火锅时间，仲有多款小食比你开下胃口，系咁易叫咗捞汁青瓜，炸鲜虾云吞，煎午餐肉及椒盐豆腐粒。入口有热度，碟椒盐豆腐粒仲系外脆内软，拍得住酒楼散叫水准。
牛肉选择方面，任食都有安格斯牛小排，手切本地吊龙及牛舌心。
薄切牛小排，烚两烚就已转色，边位带点脂肪，好食。
而吊龙就肉味较出。牛舌心除咗烧，火锅都好OK架，好香牛舌味又唔韧，喜欢嘅仲可以一口两三片。
估唔到牛内脏类都唔少，除咗有黑栢业，牛骨髓外，仲有牛王喉，任食火锅中都少见。只需烚几十秒，口感爽脆。
鸳鸯滑可三选二，要咗虾滑及墨鱼滑，一筒可整4-5粒滑。
浮起就食得，入口有惊喜，口感札实得黎又弹牙，墨鱼滑中食到墨鱼嘅碎粒，真材实料。
香甜嘅椰子鸡汤唔好浪费，叫D索汤之鬼，就例如响铃，炸支竹及油炸鬼。
蔬菜类如皇帝菜及莴荀条，沈浸于呢个汤底后，仲多一份甜味。友人点选脆鲩片，水鱿，棉花鱼肚，呢D都系火锅热配。
欢喜食脆鲩片就系佢嘅爽脆口感，呢旧就做到啦。
以任食黎讲，无论食材选择及出品，呢间绝对系中上级，可以放入佐敦区开餐之选清单内。
张贴
