極尚大喜屋 (鱷魚恤中心)

营业中

休息中

坊间日式放题选择都有唔少，作为榴梿控嘅我知道位于观塘嘅极尚大喜屋做紧榴梿任食放题，专登约咗同道中人一齐试吓先。餐厅除咗平时主打嘅日式放题外，呢个榴梿放题都十分有诚意，首先自助区入面有提供榴梿蓉，有个时间表，定时定候就会refill，分量相当之多，真系任食唔嬲。烤金枕头榴梿绝对系必食推介，烤咗嘅榴梿味道更加香，钟意食榴梿嘅朋友千祈唔好错过。其他各榴梿食品，例如榴梿芝士挞同埋榴梿大福质素亦唔错，一个放题满足晒食日本野同食榴梿两个愿望。自助区仲有榴梿咖啡提供，呢个榴梿放题都算俾足诚意，够晒彻底。除咗榴梿之外，餐厅当然提供主打嘅日式食品，例如刺身、卷物、烧物等。海鲜选择亦相当之多，包括有鲍鱼、蚝、带子、花胶等等。另外要赞一赞餐厅上菜同执枱速度快，绝对唔会阻住你丧食丧饮。饮品除咗有汽水茶类之外，仲有酒精饮品提供，见有唔少清酒供应，选择多元化。