影片
更多
2023-01-26
210 浏览
👍🏻二人半自助晚餐(包嘢饮、自助沙律吧) $498套餐包咗两个主菜、任食自助沙律吧同两杯餐饮主菜五拣二，有扒有意粉，亦有较有特色嘅西泰fusion选择-🔸纽西兰PS肉眼牛扒(10oz) 配牛肉烧汁肉眼厚身大块，表面煎到焦香，肉质偏瘦但都几多肉汁，边位连住少量筋同脂肪，肥啲嘅位置牛味更浓不过嗌五成就煎到熟咗啲，好在都唔会好韧牛肉烧汁微微酸，中和肉腻感-🔸香煎带子及蟹肉忌廉汁米型粉估唔到都几多蟹肉，混和喺忌廉汁入面，食啖啖都有不过带子就稍为失色，虽然大粒煎得几香但口感一般米型粉几得意，类似饭同通粉之间忌廉汁啱啱好唔会太干太湿，浓稠creamy食食吓都几腻，好在有啲菠菜中和一下面头洒上木鱼碎，有少少日式fusion感觉虽然呢个好食，但其实另一个choice可以嗌埋猪鞍扒都得$498有两块扒包嘢饮同任食沙律吧，更加抵食-🔸免费自助沙律吧沙律吧任食，当日有泰式青木瓜沙律、青瓜粟米沙律、凯撒沙律、辣笋丝、车厘茄、水果、甜品等最正系有冻虾任食，大大只而且肉质爽弹唔会霉整体Refill都几快，但留意9pm就会清洁收走-🔸苹果姜茶 +$23 & 热紫薯拿铁 +$18套餐本身包指定饮品两杯，亦可以加钱半价
套餐包咗两个主菜、任食自助沙律吧同两杯餐饮
主菜五拣二，有扒有意粉，亦有较有特色嘅西泰fusion选择
-
🔸纽西兰PS肉眼牛扒(10oz) 配牛肉烧汁
肉眼厚身大块，表面煎到焦香，肉质偏瘦但都几多肉汁，边位连住少量筋同脂肪，肥啲嘅位置牛味更浓
不过嗌五成就煎到熟咗啲，好在都唔会好韧
牛肉烧汁微微酸，中和肉腻感
-
🔸香煎带子及蟹肉忌廉汁米型粉
估唔到都几多蟹肉，混和喺忌廉汁入面，食啖啖都有
不过带子就稍为失色，虽然大粒煎得几香但口感一般
米型粉几得意，类似饭同通粉之间
忌廉汁啱啱好唔会太干太湿，浓稠creamy
食食吓都几腻，好在有啲菠菜中和一下
面头洒上木鱼碎，有少少日式fusion感觉
虽然呢个好食，但其实另一个choice可以嗌埋猪鞍扒都得
$498有两块扒包嘢饮同任食沙律吧，更加抵食
-
🔸免费自助沙律吧
沙律吧任食，当日有泰式青木瓜沙律、青瓜粟米沙律、凯撒沙律、辣笋丝、车厘茄、水果、甜品等
最正系有冻虾任食，大大只而且肉质爽弹唔会霉
整体Refill都几快，但留意9pm就会清洁收走
-
🔸苹果姜茶 +$23 & 热紫薯拿铁 +$18
套餐本身包指定饮品两杯，亦可以加钱半价升级特饮
苹果姜茶几得意，用茶壶上枱，仲有个火炉仔暖住
里面装嘅系苹果茶，而姜汁就另上，可以自己调配浓度
姜汁酸酸甜甜少少辣，唔够仲可以问店员refill
-
味道：7/10
性价比：7/10
-
📍The BASE nature @thebasehk
荃湾杨屋道1号荃新天地一期UG70号舖
张贴
