更多
2009-10-06
24 浏览
呢一日唔知点解同个同学黎呢度打边炉,我上一次黎呢间都好耐之前既事。个同学话任食火锅只系七十五蚊,好多野食。咁就试下啦,其实间酒家都几大,坐得几舒服。食物都算几多,我觉得鲜虾好生猛新鲜,鲜甜美味。而牛肉都唔错既,不过我觉得肥瘦唔系太均匀。豆腐卜就唔错,浸落个汤到真系好好食。黑椒牛丸既黑椒味好重,牛丸又几好食,唔会太韧。而芝士丸就无乜特别,系普通街市既货色。讲一讲汤底,个沙嗲汤底好浓味。而清汤就无乜特别啦。其他食物都系咁上下,无乜特别。饮品都系有豆浆同竹蔗水。竹蔗水唔错既,唔算太甜又解渴。服务都唔错既,服务员好快帮你收吉碟。加水都加得好频密,下次都可以再黎既。
张贴