影片
更多
2010-05-03
38 浏览
之前都有哩过食晚饭，环境同食物都觉得唔错，见佢卖广告做紧点心任点任食下午茶，$50位试得过㖞，即刻拉埋同事星期六收工过哩试吓先！星期六，2:00-4:00pm，$50位（要两位起），，但另收茶钱$8位，1-4人收一碟花生钱$10（4-8人收两碟，如此类推），再加埋一，所以同同事两个人，埋单就变咗每人$70喇！如果有番咁上下食量嘅人就梗系抵到爆，否则，咁嘅价钱同你出去普通酒楼饮餐茶差唔系好多。不过话说回头，如果要系度饮茶食点心，同样以星期六下午茶，散叫计，小点$11.8，中点$14.8，大点$17.8，所以个任食下午茶一个人食到3-4笼嘢都叫翻本喇！因为任点任食关系，1:45pm上到哩见到人山人海排队攞筹，有个疑似阔太惊蚀底攞得慢好似去咗世博睇中国馆咁想抢筹，话晒依度系香港，大家都系香港人，使唔使呀？侧边仲有D外国游客添，失礼死呀！个疑似阔太攞咗筹仲猛咁成日问有位未呀？仲未轮到我哋？唉，制造嘈音！大堂里面虽然枱排得比较逼，但我哋两个人都系比一张枱，绝对无搭枱嘅事，所以坐得舒舒服服，人手足招呼都好好，而且，3:30pm截单，3:20pm左右佢哋会有人主动问你仲有无嘢想加想要，唔会怕你再叫多
因为任点任食关系，1:45pm上到哩见到人山人海排队攞筹，有个疑似阔太惊蚀底攞得慢好似去咗世博睇中国馆咁想抢筹，话晒依度系香港，大家都系香港人，使唔使呀？侧边仲有D外国游客添，失礼死呀！个疑似阔太攞咗筹仲猛咁成日问有位未呀？仲未轮到我哋？唉，制造嘈音！大堂里面虽然枱排得比较逼，但我哋两个人都系比一张枱，绝对无搭枱嘅事，所以坐得舒舒服服，人手足招呼都好好，而且，3:30pm截单，3:20pm左右佢哋会有人主动问你仲有无嘢想加想要，唔会怕你再叫多D而扮唔声唔声！
等咗15-20分钟左右就有位，两个人吹吓水就过咗啦！好嘢，埋位喇，真系好肚饿。任点任食点心纸，有27款点心，3款迷你炒粉面，3款烧味汤粉面，我哋得两个人，粉面饭梗后唔使谂啦，主攻点心架喇，第一轮一口气叫咗8样嘢，蜂巢芋角、千岛虾春卷、南瓜粟米粥、香煎萝卜糕、蜜汁叉烧肠、皮蛋叉烧酥、翡翠菜苗饺同蟹籽烧卖，因为每样嘢上枱，个样都热辣辣，咬落仲几烫口，而且由落单到有得食都要等十分八分钟，所以都觉得佢系即叫即整嘅。好似个千岛虾春卷咁，哩到咬落真系好热，外边整春卷多数都炸定一大盘，有人叫就夹几条出去，哩到就算唔冻都只系微暖，故此，虽然系任点任食，都见到酒楼都想做好D水准，无话偷懒整定晒。
除咗新鲜热辣做出哩之外，味道都好对办：
蜂巢芋角，外层「蜂巢」松香，内层就芋头粉香；
千岛虾春卷，真系想再添食架，每条春卷里面都有大大只虾，外皮炸得甘脆，占D千岛汁酱，醒胃之余，又减低个油腻感；
南瓜粟米粥，潮流兴无添加，依个系添加版，添加咗冬菇丝，多份菇香，变得无咁「寡」，而本身嘅粥底够绵，南瓜又够，入晒味落个粥度，粟米就增加个咬口感；
香煎萝卜糕，麻麻哋，萝卜味唔浓，咁就已经影响晒个印象；
蜜汁叉烧肠，一般，个肠粉皮削咗D，唔算滑，所以叉烧做得好都失晒分；
皮蛋叉烧酥，焗得酥皮好香，叉烧馅又做得好味，不过，就唔系好觉有皮蛋啰？
翡翠菜苗饺，饺皮晶莹，够薄又唔黐牙，菜苗刴得够细碎，包得冚一冚，令到菜苗饺涨卜卜，正！
蟹籽烧卖，都唔错，无乜肥猪肉。
临尾再叫个步步千层糕同香麻糖不甩当甜品，点知两个都话卖晒，得番个精选甜品，精乜鬼选丫，查实就只不过红豆沙，唉，都好啦，无想食嘅甜品都系有D失落！
张贴
