校長燒肉日韓料理 (已搬遷) 新店位置

上个weekend 同朋友去元朗揾食，路过行过见到有烧肉食，我地两个食肉瘦一于唔好错过，又去试下先。我地见到有得加钱任食生蚝同松叶蟹脚，我地又唔执输，照跟。我地第一round食左d猪腩片呀，bbq常见嘅牛排猪排，之后先见到原来有靓嘅雪花牛排食，于是又再去拎左轮。我同朋友都觉得肉食味道几好，尤其d 靓雪花牛。另外虾同猪颈肉都好食。仲有锡纸蒜蓉牛油粟米，呢个无影但好正！食左d肉就去拎刺身呀、生蚝呀、蟹脚咁。刺身好大件，而且无渣。生蚝都几涨，几甜，见佢系度即看，好新鲜。蟹脚就一早熟左，所以有少少黄，但肉都好甜。两个都食到好饱。返食指数: 3.8 (5系满分)。款式好多，如果大食王黎食，好抵！又如果生日黎有7折，同行朋友有8折，咁会仲抵！最衰无做功课，下次揾埋生日朋友食先。