影片
更多
2022-09-04
97 浏览
朋友带咗我去旺角食晏，但位置唔系闹市中心🤔，而系喺长沙街嘅「直烧和牛商店」。基本上普通行街未必会经过，但餐厅人气颇高的，要排队入座，你就知佢乜料啦。原来餐厅系食石烧牛🔥，起初不抱太大期望，因为好似度度都差唔多，不过食完就发现大有惊喜。菜式选择唔多，但佢唔系问你要几多克、求其切一大嚿肉畀你自己烧𠮶种，而系经已切好一片片，方便拎去烧。肉本身嘅价钱唔算贵，午市/晚市加$28/$38就可以变成丰富嘅定食，就如图片中一样缤纷😍。餐枱唔大张，不过啱啱好够摆晒啲嘢。石烧火候都算唔差，但面积较细，要慢慢烧。吉列牛脷($98)，呢个系小店嘅名物🌟，每枱都有嗌，我相信其中一个主要原因系任食！话就话任食♾，但第一碟上嘅时候已经好震撼，绕圈排足足有成25件，仲要讲紧唔系好薄、好细块。如果仲能Encore的话，我赞你叻🤣。牛脷处理得好出色🐮👅，首先佢厚薄适中，质感一啲都唔韧，但又唔会太稔。第二，吉列皮紧贴牛脷，烧完之后口感脆卜卜，唔会成口粉，亦唔油腻。最后，吱少少柠檬汁同沾酱汁食就完美！手切鹿儿岛黑毛和牛($158/120g)，🥩佢呢个坚系和牛，唔系得个名，食落油份充足，从肉身睇亦见到好靓嘅脂肪纹理。店员拎出嚟
朋友带咗我去旺角食晏，但位置唔系闹市中心🤔，而系喺长沙街嘅「直烧和牛商店」。基本上普通行街未必会经过，但餐厅人气颇高的，要排队入座，你就知佢乜料啦。
原来餐厅系食石烧牛🔥，起初不抱太大期望，因为好似度度都差唔多，不过食完就发现大有惊喜。菜式选择唔多，但佢唔系问你要几多克、求其切一大嚿肉畀你自己烧𠮶种，而系经已切好一片片，方便拎去烧。
肉本身嘅价钱唔算贵，午市/晚市加$28/$38就可以变成丰富嘅定食，就如图片中一样缤纷😍。餐枱唔大张，不过啱啱好够摆晒啲嘢。石烧火候都算唔差，但面积较细，要慢慢烧。
吉列牛脷
$98
11 浏览
0 赞好
0 留言
牛脷处理得好出色🐮👅，首先佢厚薄适中，质感一啲都唔韧，但又唔会太稔。第二，吉列皮紧贴牛脷，烧完之后口感脆卜卜，唔会成口粉，亦唔油腻。最后，吱少少柠檬汁同沾酱汁食就完美！
手切鹿儿岛黑毛和牛
$158
8 浏览
0 赞好
0 留言
手切鹿儿岛黑毛和牛($158/120g)，🥩佢呢个坚系和牛，唔系得个名，食落油份充足，从肉身睇亦见到好靓嘅脂肪纹理。店员拎出嚟时，牛肉已经溶咗雪，唔会硬邦邦，再轻轻洒啲盐粒，就能突显牛味。一客和牛约有十片，厚度刚好，就算男仔食都够有突😋。
我哋见小食价钱唔贵，所以就嗌咗份唐扬鸡髀($38/9件)。🍗炸鸡份量同样吓人，用汤碗上，我都无细数几多件，总之就好多，性价比高。炸鸡皮脆，鸡肉唔算好嫩，但都唔嚡，建议沾伴旁嘅黑松露汁食🍄。
紫菜月见饭
5 浏览
0 赞好
0 留言
水牛芝士沙律配柚子醋
8 浏览
0 赞好
0 留言
泠泡白桃乌龙茶唔使额外加钱，大大枝以樽装上。🍵乌龙茶清香，渗出微微白桃味，最紧要系无糖，清热气啱晒。
总括嚟讲，直烧和牛商店嘅食物质素优秀，绝对系意料之外。我敢讲佢系我食过最好食嘅石烧牛店💯，没有之一，无论吉列牛舌定和牛都好好食，份量又多！唯一挑剔嘅地方就系环境麻麻哋，冷气唔太够，不过女店员好好人，见我哋大汗踏细汗，就将风机嘅出风口转向我哋。朋友唔食紫菜，佢又乐意帮忙分开上，服务态度专业，抵赞👍。
张贴
