鍋匠中日火鍋專門店 (已結業)

今日同一班朋友约咗去食鸡煲，呢间吸引之处就系佢啲鸡系可以任添㗎而且食完鸡煲之后嘅打边炉材料亦都可以任添，正呀！一上到去上面环境都唔错，个feel次日式嘅餐厅多啲，一啲都唔似系食鸡煲嘅。而𠮶度嘅侍应服务态度都好唔错㖞，成日都留意我哋有啲咩需要，只可惜𠮶度嘅卫生就有少少差，因为我哋当日都有几次见到一啲细曱甴但都feel到𠮶度嘅侍应唔系咁好意思，所以佢哋嘅服务态度都好好。讲返食物方面啦，其实佢个鸡煲真系唔错架，我哋总共添左成两三次，其实都真系几抵食，不过佢打边炉嘅材料就麻麻哋，而且食完鸡煲之后谂住加汤打边炉，但发现个汤系冇乜味架，所以我谂下次都系食鸡算啦。最后其实仲有甜品任食，包括雪条同埋雪糕仲有雪米糍，不过味道就普通。