18樓雞煲火鍋專門店

营业中

休息中

今日同朋友去旺角行街，顺便睇埋戏食埋饭，喺旺角真系好多好嘢食，见到咁多选择一上OpenRice望吓附近有咩推介，见到一间两小时任食鸡煲，价钱又公道，食物质素都几好，即刻去试吓。18楼鸡煲火锅专门店，上到去餐厅地方都好大，装修得好整洁，座位嘅空间都好足够，感觉好舒适。由于朋友仔唔系好肚饿，我哋就食咗个套餐A，19:00前离座每位$168，性价比真系好高。坐低职员已经送上一个鸡煲，我哋点咗少辣，鸡煲真系好香好惹味，望到已经流晒口水，鸡件嘅份量都好多，鸡肉已经好入味，肉质都几嫩滑，加上少少辣味同芫荽嘅香味真系好正。食完鸡煲加汤打边炉，火锅配料选择好多，仲要系好新鲜。我哋点咗虾，虾肉爽口弹牙，睇得出食材好新鲜。脆肉鲩每件都好爽口，香浓嘅鱼味加上脆肉鲩嘅口感，好好食。特级肥牛，肥牛色泽红润，加上有少少脂肪，牛肉香味更加浓。最钟意就系佢出面嘅蔬菜柜，几十兜蔬菜任你选择，全部都好新鲜。饮品方便都系任饮，仲有啲自家制嘅茶可以选择，又健康味道又清新。食到咁上下已经好饱，出面仲可以攞甜品雪糕全部都系任饮任食。呢间鸡煲一定会再嚟帮衬，价钱公道，味道又好，最啱三五知己，食饭倾偈饮啤酒。