Running 燒 (已結業)

今日同朋友去左一间新开既韩烧店到食lunch，呢间店好大间，坐卡位好舒服，唔洗同人逼。出面仲有自助吧台，提供唔同既野食比人任食，包括汤、前菜、熟食、蔬菜、甜品等，好丰富！呢度既韩烧都几抵食，午市仲有7折！呢度落单好方便，系用QR code落单，有唔唔既烧肉、海鲜、炸鸡、年糕汤、水冷面等，好吸引！啲烧肉未到之前我就去左自助吧台都拎野食先，我拣左炖鸡汤，鸡汤都几清甜，唔错！等左好短时间，烧肉就黎了！我地有点到猪、牛、鸡，每个唔同部位既肉都试下！猪肉方面，啲五花腩好正，烧完出黎好香，点酱汁黎食一流啊！另外，当然唔少得海鲜啦，呢度都几豪，咁抵既价钱都包埋海鲜，我地当然就唔客气啦，点左扇贝、元贝、蚝、虾、多春鱼等，食到舔舔脷！食埋水冷面就perfect!