Running 燒 (已結業)

好耐冇食过韩烧啦！之前听人讲Running烧几抵食，所以今日就约咗朋友一齐去食😋韩烧放题—$178任食110分钟🥗前菜、小食前菜同小食可以喺自助区攞，选择好多，想食咩就攞咩，好方便！今次我试咗炸薯角同泡菜，两个都唔错，薯角热辣辣，泡菜好香！我见到仲有咖喱鱼蛋、话梅猪手同其他野食，本身谂住试埋，但惊食太多前菜会好饱，所以唯有下次再试啦！🥤饮品饮品种类都几多，除咗有汽水之外，仲有果汁同咖啡。如果食济咗，仲可以饮翻罐乌龙茶解腻。🥩牛/猪/鸡/羊Running烧嘅肉类都几多，牛、鸡同猪都有唔同部位可以拣。我同朋友都劲钟意食牛，所以我地今日主要都系嗌牛。我地觉得牛五花最好味，食落好似打边炉嘅肥牛，但仲好食过肥牛，真系劲好味！我地refill咗几碟！！极推荐大家试～牛脷都唔错，几有咬口。辣味鸡肾都好味，但真系好辣，啱晒钟意食辣嘅朋友！🍲热食除咗有肉烧，仲有好多热食可以拣。我同朋友都食咗好多热食。我地嗌咗炸鸡、炸鱿鱼、炸饺子、水冷面同辛辣面。全部都系即叫即整，热辣辣超正！炸鱿鱼同炸饺子最好味，我地refill咗一次～🍮甜品甜品除咗有雪糕雪条，仲有泡芙、布丁同糖等等，超正！我觉得最好味系吉士泡芙同迷你