影片
更多
2021-10-01
277 浏览
大鸿辉新开嘅烧肉放题，想试好耐！今晚齐人即刻开佢波啦唔洗讲嘢！！价钱如图，我觉得都OK嘅，烧肉价，最紧要系睇下啲肉咩质素。个人觉得C餐性价比最高，D&E就锦上花啦，钟意饮两杯酒E餐，ASAHI任饮！新开，环境好新好整齐干净。用QR code落单，冇漏过单，上菜快，赞！无论叫咩餐，都会送呢个头盘，有齐晒啲肉，好食可以随时encore。（当然睇下你叫咩餐啦）呢只最高级SRF极黑和牛小排，讲真，呢个真系最好味，烧起上嚟啲油脂真系不得了，豪少少叫E餐就有得无限享受喇～澳州和牛，呢个系D餐嘅肉，个人觉得佢嘅牛味比极黑和牛小排浓啲，口感就冇咁入口即溶，朋友就话呢只仲正过E餐。呢度用明火烧，立即加分！但个网就有啲轻飘飘，有时痴肉嘅话夹起佢会连个网都夹起埋。烧起啲网纹真系会令人觉得特别好食㗎！推介叫一个大葱，烧烧佢，用牛卷住嚟食，好味到升天～烟熏封门柳，真系必叫，C餐已经可以食到架喇，呢个超值得encore，原条咁上，烧到咁上下先剪短佢，封住啲肉汁。腌得几好嘅，唔算太过甜。除咗肉，佢哋仲有好多嘢食，海鲜、蔬菜、熟食如乌冬、沙律、冷面等等，鳗鱼要自己烧，烧完好好味㖞原来！清清地食下胡麻冷豆腐同蟹柳冷乌冬
大鸿辉新开嘅烧肉放题，想试好耐！今晚齐人即刻开佢波啦唔洗讲嘢！！价钱如图，我觉得都OK嘅，烧肉价，最紧要系睇下啲肉咩质素。个人觉得C餐性价比最高，D&E就锦上花啦，钟意饮两杯酒E餐，ASAHI任饮！
新开，环境好新好整齐干净。用QR code落单，冇漏过单，上菜快，赞！
无论叫咩餐，都会送呢个头盘，有齐晒啲肉，好食可以随时encore。（当然睇下你叫咩餐啦）
呢只最高级SRF极黑和牛小排，讲真，呢个真系最好味，烧起上嚟啲油脂真系不得了，豪少少叫E餐就有得无限享受喇～
澳州和牛，呢个系D餐嘅肉，个人觉得佢嘅牛味比极黑和牛小排浓啲，口感就冇咁入口即溶，朋友就话呢只仲正过E餐。
呢度用明火烧，立即加分！但个网就有啲轻飘飘，有时痴肉嘅话夹起佢会连个网都夹起埋。
烧起啲网纹真系会令人觉得特别好食㗎！
推介叫一个大葱，烧烧佢，用牛卷住嚟食，好味到升天～
烟熏封门柳，真系必叫，C餐已经可以食到架喇，呢个超值得encore，原条咁上，烧到咁上下先剪短佢，封住啲肉汁。腌得几好嘅，唔算太过甜。
除咗肉，佢哋仲有好多嘢食，海鲜、蔬菜、熟食如乌冬、沙律、冷面等等，鳗鱼要自己烧，烧完好好味㖞原来！
清清地食下胡麻冷豆腐同蟹柳冷乌冬～
南瓜蛋沙律，好食，几有创意添！
出面有自助区，无限咁多罐装饮品，咖啡机等等，仲有其他熟食，甜品区。
绿茶雪糕我觉得系必食，加粒泡芙，几靓仔～整体黎讲，价钱唔系最平，但我觉得佢哋嘅干净，嘢食嚟得快，服务好，系值得嘅！！
张贴
