波記甜品 (已結業)

琴晚友人带我去屯门食泰国嘢,我见对面有间甜品舖,仲要$38任食,贪小便宜心态下,即刻留肚啦,点知........呢间咁0既嘢虽然上过电视,但我真系唔知佢凭乜(边位知0既,麻烦话声我听):1. 杨枝甘露: 稀到都无芒果味,得糖水味!成碗摆番喺度比佢!2. 香蕉奶: 我好肯定唔系用香蕉打出0黎,系用香蕉油....大佬,依家唔系整蛋糕呀!3. 红豆豆花: 红豆沙我都费事提啦,个豆花唔该唔好咁难食吖,话佢隔两夜都应该讲少咗佢4. 西米露: 虽然稀到好似椰水咁,但系比咁多种"极品"甜品衬托下,都叫做可以食得出系乜(好食就一定唔系0架啦)5. 榴梿XX: 唔记得个名,个卖相有0的绿色啫喱状物体围住咁. 如果斋讲0的榴梿肉,都几甜0既,但系𠮶0的啫喱状物,真系又要留番比店主佢自己食6. 司华力肠: 大家梗系以为小食唔会衰啦, 点知呢间嘢个厨师真系有料到0架,好地地条肠都比佢整到油"lum lum", 攞出0黎之前都索下0的油先吖真系唔明佢点开舖,呢间嘢系我食过0既所有甜品以来(包括街边)之最最最难食,仲有人去食我谂系因为佢有饭食,仲要任食啦.不过我始终唔明0的人点解可以将0的咁0既嘢垃圾放入自己个口