尚八日式燒肉店 (已結業)

一向劲钟意食牛，知道旺角有间可以任食和牛嘅日式烧肉店，紧系谂都唔使谂去试吓啦。入到去抽风系统都几好，冇乜烧肉嘅油烟味，同埋d座位几寛，完全冇压迫感。呢度有2个任食餐，一个系A4和牛任食，另一个系烧肉放题，我专登黎食A4和牛紧系叫A4和牛放题啦。未叫野食前，店员已经攞咗个刺身拼盘同A4和牛拼盘比我地食住先，刺身拼盘最惊喜系有劲大条海胆，海胆非常新鲜，好鲜甜好creamy,其他刺身都系厚切，完全冇腥味，好新鲜。而A4和牛拼盘非常吸睛，全部油花都分布喺每片和牛果度，好均匀，每款和牛都有牌mark低系咩部位，非常方便再encore,放上网两面烧几秒就食得，入口即溶，咬落去d油爆出黎，劲重牛味，点少少岩盐吊吓味，就食到和牛嘅原汁原味。烧肉除咗A4和牛，猪，海鲜，蔬菜同鸡之外，仲有唔少熟食同寿司，因为食和牛已经食到劲饱，熟食同寿司只有叫咗少少，佢地嘅芝麻鸡翼同炸鸡软骨都非常好食，即炸热辣辣，劲香口。出面仲有饮品任饮，呢个价钱任食A4和牛,性价比非常高，食 2 around已经和本。