巴希雅海灣重慶燒烤

营业中

休息中

其实都系嚟过两次巴希雅海湾重庆烧烤(地址:大埔汀角路龙尾村103A号地舖)，两次都系坐屋企人车嚟，呢度有四个小时免费泊车，位应该大把，但都要留意下因为得一条路出入，车出车入就可能要大家就下，等一阵，呢到bbq任食包两个野饮，好似平日有得加钱任饮，不过我冇试过，你哋自己可以试下，可以留言话我听。野食方面都几多选择，总之猪牛羊鸡鱼蔬菜样样都有，都算多选择，个package包一份金菇，一份海鲜(几只虾同青口)，仲有菠萝同两只香蕉(我哋五个大人两个小朋友，人多啲可能多啲，不过我唔知...)，多数系一串串咁嘅，有啲金沙骨同扒类就唔系串好嘅，另外佢仲有蒜蓉包同两款熟食(烧卖同鱼蛋)，未烧好野食都可以顶下肚。基本上呢度算多人多，我哋1月1日嚟见到排长龙，好彩我哋早左少少入嚟先有位，食物质素算唔错，都系三五知己围炉吹水姐，嚟到呢度又可以踩下单车，总之可以再嚟…..有车嘅话🤣