影片
更多
2016-11-21
2050 浏览
天气凉左小小, 就梗系要去打边炉, 而任食既边炉就最岩同班大胃口既朋友去。位于庄士伦敦广场既好一锅, 系佐敦地铁站对面, 地点好方便。正常开饭时间收费都只系$158一个, 仲要任饮任食2个半钟, 抵到烂。 所以好多人等位, 最好book定枱。 4个人比左张卡位我地。先黎一渣竹庶水, 送既唔驶钱, 够冰冻, 不过甜左d, 都系饮雪柜任饮既罐装汽水, 有气系爽d!免费汤底有10款任拣, 双拼都得, 又唔驶加钱, 都几好。 我地拣左胡椒猪肚拼花雕醉鸡汤底。 开始打之前先饮啖汤, 胡椒猪肚辣辣地好惹味, 而醉鸡汤好香花雕味, 而且跟汤另上碟醉鸡比我地慢慢滚, 任食黎讲真系够晒真材实料!任食既种类都好多, 如手切肥牛, 美国肥牛, 仲有花胶, 海虾等都系任食。 当然想食好d如广岛蚝, 象拔蚌, 鲜带子和安格斯肥牛等, 就要另外比钱, 如果一班人去, 除番开又唔算贵, 叫2碟黎满足下都唔算过份。任叫食物会因应每枱人数而比几多, 唔会造成浪费, 又唔驶争, 几好, 而漏单情况甚少出现。虽然无限量供应手切肥牛同美国肥牛, 但系都想叫碟质素好d既极品肥牛($128)黎食下, 雪花纹都靓d, 牛味都香d好
位于庄士伦敦广场既好一锅, 系佐敦地铁站对面, 地点好方便。
正常开饭时间收费都只系$158一个, 仲要任饮任食2个半钟, 抵到烂。 所以好多人等位, 最好book定枱。 4个人比左张卡位我地。
先黎一渣竹庶水, 送既唔驶钱, 够冰冻, 不过甜左d, 都系饮雪柜任饮既罐装汽水, 有气系爽d!
免费汤底有10款任拣, 双拼都得, 又唔驶加钱, 都几好。 我地拣左胡椒猪肚拼花雕醉鸡汤底。 开始打之前先饮啖汤, 胡椒猪肚辣辣地好惹味, 而醉鸡汤好香花雕味, 而且跟汤另上碟醉鸡比我地慢慢滚, 任食黎讲真系够晒真材实料!
任食既种类都好多, 如手切肥牛, 美国肥牛, 仲有花胶, 海虾等都系任食。 当然想食好d如广岛蚝, 象拔蚌, 鲜带子和安格斯肥牛等, 就要另外比钱, 如果一班人去, 除番开又唔算贵, 叫2碟黎满足下都唔算过份。任叫食物会因应每枱人数而比几多, 唔会造成浪费, 又唔驶争, 几好, 而漏单情况甚少出现。
虽然无限量供应手切肥牛同美国肥牛, 但系都想叫碟质素好d既极品肥牛($128)黎食下, 雪花纹都靓d, 牛味都香d好食d。
额外仲叫左碟安格斯牛柳粒($128), 牛味浓而有嚼劲, 满足在座既牛魔王。
任食既手切肥牛, 美国肥牛质素都唔差, 不过如果每次份量比多d就梗加好啦。
海鲜就叫左海虾, 花胶, 鲩鱼腩, 墨鱼丸同墨鱼滑, 海虾同鲩鱼腩都算几新鲜, 墨鱼滑就最好食又弹牙, 要叫多转黎食。另外仲叫左碟是日推介既海鲜 - 蚬, 虽然唔算大只, 但好在够鲜甜又无沙。
灸烧芝士丸同香葱鱼腐都几好食, 要叫多转。
油炸物呢d香口野梗系唔小得, 炸鱼皮好松脆又大块唔会碎碎湿湿, 响铃系必点无油溢味, 最正有蜂巢豆腐, 吸晒花雕同胡椒汤既精华, 劲入味!
打边炉除左丧食肉, 当然都要食番d蔬菜, 懒系健康咁。唐生菜, 油麦菜, 粟米, 白萝卜同南瓜都几新鲜下。
打完边炉就梗系想食番d冻野, 呢间边炉仲提供自助乳酪吧, 食几多唧几多, 又好玩, 仲有几款topping拣, 虽然味道唔及乳酪店咁好味, 过下口瘾都唔错啦!
张贴
