One More Hotpot 來一鍋 (已結業)

平日打边炉最多饮品+啤酒系任饮，依间竟然有红.白酒任饮，仲要质素唔太差令我食得开心饮得尽兴，仲要有新鲜海鲜盘，安格斯牛，同埋特色嘅鱼皮跟响铃。地方冷气够，汤底仲有花胶响螺煲鸡，椰子煲鸡，麻辣煲等等…由于近期食得太多热气嘢，所以就拣咗比较清嘅花胶响螺煲鸡跟椰子煲鸡嚟到估唔到个汤料好足，一煲滚就闻到汤嘅香味爽呀，之后安格斯牛一到就急不及待就即放落去滚一滚就可以食又甜又有牛味而个海鲜盘有好多种类（斑片，虾，鲍鱼， 象拔蚌，带子），仲有手打丸，虾胶酿豆卜，饺子，最令我出奇系个自家炸响玲，个响玲超大条有 手臂咁大条嘅响玲放落汤都有少少难度，索咗个汤底当然好味，食食吓当然要饮啖嘢啦，边食边饮我最爱嘅冻白酒简直系赏心乐事，而其他打边炉嘅配料都好新鲜，令我食到揽住个肚走。